Favqulodda vaziyatlar profilaktikasi kafedrasi
Kafedraning
maqsadi – umumiy o‘rta va
o‘rta maxsus, kasb-hunar ta’limi bilan uzviylik hamda uzluksizlikni inobatga olgan
holda, kursantlarda ixtisoslik fanlarini o‘rganish va chuqur egallash uchun zarur
bo‘lgan mutaxassislik fanlari bo‘yicha nazariy bilimlar va amaliy ko‘nikmalarni
shakllantirish hamda zamonaviy texnologik jihozlarning yong‘in xavfini baholashga,
yong‘in xavfsizligini ta’minlashga qaratilgan tadbirlarni tavsiya qilishdan iborat.
Kafedraning vazifalari: Akademiyaning
ixtisoslik kafedrasi hisoblanib, “Xalq manfaatlariga xizmat qilish”ni o‘z xizmat
burchi deb biladigan, tabiiy, texnogen va
ekologik xususiyatli favqulodda vaziyatlarning oldini olish va bunday
vaziyatlarda harakat qilish sohasida davlat tizimi faoliyatini boshqarish va
davlat nazoratini amalga oshirish sohasida mutaxassis kadrlarni tayyorlash,
aholini va hududlarni favqulodda vaziyatlardan muhofaza qilish, fuqaro
muhofazasi, yong‘in xavfsizligini ta’minlash, shuningdek, suv obyektlarida
fuqarolarning hayoti va sog‘ligini muhofaza qilishga doir profilaktik ishlarni
amalga oshirish bo‘yicha kursantlarda bilim va ko‘nikmalar hosil qilish.
Shu bilan bir qatorda, Favqulodda vaziyatlarning oldini olish va bunday
vaziyatlarda harakat qilish davlat tizimi boshqaruv organlari bilan samarali
hamkorlikni tashkil etish hamda sodir bo‘lishi mumkin bo‘lgan tabiiy va
texnogen xususiyatli favqulodda vaziyatlarni barvaqt aniqlash, monitoringini
yuritish, axborot almashinuvi va bashorat qilish kabi profilaktik tadbirlarni
tashkil etishni kursantlarga o‘rgatish.
Yong‘inlar rivojlanishi va ularni o‘chirishning fizik-kimyoviy asoslarini tadqiq qilishni hamda ishlab chiqarish korxonalarining yong‘in xavfini baholash, ularda yong‘inlarni oldini olish ishlarini tashkillashtirish, texnologik jarayonlarni loyihalashtirish va ulardan foydalanish jarayonida yong‘inga qarshi muhofazani ta’minlash, elektr qurilmalarining yong‘in xavfi xususiyatlarini tahlil etgan holda, yong‘in xavfsizligini ta’minlash, ishlab chiqarish va yong‘in o‘chirish avtomatikalarini loyihalashtirish va ulardan foydalanishga qaratilgan chora-tadbirlarning amaldagi me’yoriy hujjatlar talablariga mos kelishini baholay oladigan zamonaviy bilimlar bilan ta’minlangan, intellektual rivojlangan, aholiga o‘z vaqtida va sifatli yordam ko‘rsatadigan yuqori malakali mutaxassis kadrlarni tayyorlashdan iborat.
KAFEDRANING FUNKSIYALARI:
- davlat ta’lim standartiga muvofiq o‘quv mashg‘ulotlariga
tayyorgarlik ko‘rish va uni o‘tkazish;
- o‘quv mashg‘ulotlarini o‘tkazish uchun o‘quv-uslubiy
hujjatlarni ishlab chiqish, darslik va o‘quv qo‘llanmalarini tayyorlash hamda ularni
nashr ettirish;
- dars jadvaliga
asosan ma’ruza, amaliy,
maskanga chiqish hamda laboratoriya mashg‘ulotlarini olib borish;
- kursant hamda tinglovchilarni o‘quv materiallarini o‘zlashtirish
darajasini aniqlash maqsadida mavzuiy,
oraliq va yakuniy nazorat baholashlaridan o‘tkazish;
- o‘quv jarayonini yuqori saviyada tashkillashtirish maqsadida
o‘quv-uslubiy ishlar majmuasini
ishlab chiqish;
- kafedra professor-o‘qituvchilarini Respublikaning yetakchi
va turdosh Oliy ta’lim muassalarida malakasini oshirishhamda amaliy idoralarda stajirovka
o‘tashini amalga oshirish;
- kafedra professor-o‘qituvchilarining falsafa doktori
(PhD) hamda fan doktori (DcS) dissertatsiyalari, shu bilan bir qatorda dotsent hamda
professor ilmiy unvonlari ustida ishlashi uchun zarur shart-sharoitlar yaratish;
- kafedra professor-o‘qituvchilari tomonidan turli ko‘rgazma,
davra suhbatlari, seminar-treninglar, anjumanlar va konferensiyalarni tashkil qilishini
hamda ishtirok etishini ta’minlash;
- Akademiya kursantlari bilan o‘quv-tarbiyaviy hamda murabbiylik
ishlari bo‘yicha yillik ish rejalarida nazarda tutilgan tadbirlarda ishtirok etish.
KAFEDRADA
O‘QITILADIGAN FANLAR:
“Texnologik jarayonlar yong‘in xavfsizligi”;
“Elektr qurilmalari yong‘in xavfsizligi”;
“Elektr qurilmalarining yong‘in va portlash xavfsizligi”;
“Elektrotexnika va elektronika”;
“Yonish va portlash jarayonlari”;
“Yong‘inlar rivojlanishi va ularni o‘chirishning fizik-kimyoviy
asoslari”;
“Texnosferada yong‘inlar rivojlanishi va ularni o‘chirishning
fizik-kimyoviy asoslari”;
“Ishlab chiqarish va yong‘in o‘chirish avtomatikasi”;
“Majmuaviy xavfsizlik tizimlari”;
“Sanoat korxonalarida texnosfera xavfsizligi”;
“Neftgaz va kimyo ishlab chiqarish korxonalarida texnosfera
xavfsizligi”;
“Ishlab chiqarish texnologik jarayonlarida yong‘inlarning
oldini olish”;
“Texnik tizimlar ishonchliligi va texnogen tavakkalchilik”.
KAFEDRADA
FAOLIYAT YURITAYOTGAN TO‘GARAKLAR:
Kafedrada “Texnologik jarayonlar yong‘in xavfsizligi”, “Elektrotexnika, elektronika va elektr qurilmalari yong‘in xavfsizligi”, “Yonish va portlash jarayonlari hamda нong‘inlar rivojlanishi va ularni o‘chirishning fizik-kimyoviy asoslari”, “Ishlab chiqarish va yong‘in o‘chirish avtomatikasi”, “Majmuaviy xavfsizlik tizimlari hamda texnik tizimlar ishonchliligi va texnogen tavakkalchilik” fanlaridan ilmiy to‘garaklar faoliyat yuritayotgan bo‘lib, ushbu to‘garaklar doirasida kursantlar ta’lim sohasi uchun zarur bo‘lgan mutaxassislik fanlarining ilmiy va nazariy asoslarini chuqur o‘rganish bilan bir qatorda amaliy tajriba va ko‘nikmalarga ega bo‘lmoqdalar.
KAFEDRANING FAOLIYATI
Kafedrada professor-o‘qituvchilariga biriktirilgan fanlardan
oliy ta’lim doirasida Favqulodda vaziyatlar vazirligi harbiy xizmatchilarini tayyorlash
uchun Akademiya kursantlari bilan ma’ruza, amaliy, maskanga chiqish va laboratoriya
mashg‘ulotlari olib boriladi.
Mashg‘ulotlarni olib borishda zamonaviy o‘qitishning texnik
vositalari va pedagogik texnologiyalardan samarali foydalaniladi.
Kafedrada xizmat faoliyati davomida ilmiy salohiyat, yuqori
pedagogik tajribaga hamda yetarli amaliy tajribaga ega bo‘lgan professor-o‘qituvchilar
bugungi kunda samarali faoliyat yuritib, kursantlarga o‘rnak bo‘lib kelmoqdalar.
Shuningdek, kafedraning barcha professor-o‘qituvchilari tomonidan doimiy ravishda
ilmiy izlanishlar olib borilishi va ilmiy ishlar natijalarining o‘quv jarayoniga
keng joriy etilishi yo‘lga qo‘yilgan. Kafedraning “Ishlab chiqarish korxonalari
texnologik jarayonlari va elektr qurilmalarining yong‘in xavfsizligini ta’minlashning
dolzarb masalalari” nomli Bosh ilmiy mavzusi yuzasidan professor-o‘qituvchilar tarkibi
tomonidan olib borilgan ilmiy-tadqiqot ishlari natijalari muntazam ravishda ilmiy
maqola va boshqa ishlanmalarda o‘z aksini topib kelmoqda.
KAFEDRADA YURITILADIGAN
NORMATIV-HUQUQIY HUJJATLAR
1.
O‘zbekiston Respublikasi Prezidentining Qaror va Farmonlari hamda O‘zbekiston
Respublikasining Qonunlari;
2.
Namunaviy
xizmat vazifalari asosida ishlab chiqilgan xodimlar va o‘quv-yordamchi
tarkibning xizmat vazifalari;
3.
Yillik
ish rejalari;
4.
Professor-o‘qituvchilarning
shaxsiy ish rejalari;
5.
Fan
dasturi va ishchi o‘quv dasturlari;
6.
Metodik
(ish) rejalar;
7.
Professor-o‘qituvchilarning
navbatchilik jadvali;
8.
Professor-o‘qituvchilarning
o‘zaro o‘quv mashg‘ulotlariga qatnashish jadvali;
9.
O‘quv
mashg‘ulotlariga o‘zaro qatnashishni qayd etish jurnali;
10.
Professor-o‘qituvchilarning
mashg‘ulotlarini pedagogik nazorat qilish jadvali;
11.
O‘quv
mashg‘ulotlarini pedagogik nazorat natijalarini qayd qilish jurnali;
12.
Fakul’tet,
kafedralar ilmiy-to‘garak (jamiyat) ishini o‘quv yili uchun ish rejasi;
13.
Nazorat
ishlari, kurs loyihalariga taqrizlarni qayd etish jurnali;
14.
O‘quv
yuklamasi bajarilishini qayd etish jurnali;
15.
Maslahat
(konsul’tatsiya)larni qayd etish jurnali;
16.
O‘qitiladigan
fanlar bo‘yicha oraliq va yakuniy nazoratlarni o‘tkazish uchun metodik
materiallar;
17.
Kafedra
yig‘ilishi bayonnomalari;
18.
O‘quv
yili uchun hisobot;
19.
O‘qitilayotgan
fan va o‘quv kurslarining xususiyatidan kelib chiqqan holda boshqa
o‘quv-metodik hujjatlar ham ishlab chiqilishi mumkin.
HAMKORLIK
Tajriba almashish va nazariyaning amaliyot bilan uyg‘unligini
ta’minlash maqsadida quyidagi turdosh oliy ta’lim muassasalari bilan yaqin aloqalar
yo‘lga qo‘yilgan bo‘lib, o‘zaro hamkorlik shartnomalari tuzilgan va samarali ishlar
olib borilmoqda:
Favqulodda vaziyatlar vazirligi O‘ta muhim,
toifalangan va qo‘riqlanayotgan ob’ektlarning yong‘in xavfsizligini ta’minlash boshqarmasi;
Favqulodda vaziyatlar vazirligi Favqulodda
vaziyatlar profilaktikasi boshqarmasi;
Favqulodda vaziyatlar vazirligi Yong‘in xavfsizligi
va favqulodda vaziyatlar muammolari ilmiy tadqiqot instituti;
Islom Karimov nomidagi Toshkent davlat texnika universiteti
“Neft va gazni qayta ishlash obyektlari” kafedrasi;
Islom Karimov nomidagi Toshkent davlat texnika universiteti
“Metallurgiya” kafedrasi;
Islom Karimov nomidagi Toshkent davlat texnika universiteti “Energetika” fakulteti “Elektr energiyasi” kafedrasi.
KAFEDRA FAOLIYATI NATIJALARI
Kafedra professor-o‘qituvchilar tomonidan hozirgi kunga
kelib, 6 ta darslik,
3 ta o‘quv qo‘llanma, 20 dan ortiq boshqa o‘quv uslubiy adabiyotlar tayyorlangan.
Shuningdek, xorijiy davlatlarda 23 ta, respublika miqyosida 70 dan ortiq ilmiy va
ilmiy-ommabop maqolalar chop etilgan. Kafedra professor-o‘qituvchilaridan bir nafarida
fan nomzodi hamda ikki nafarida texnika fanlari bo‘yicha falsafa doktori (PhD) ilmiy
darajalari hamda ikki nafarida dotsent ilmiy unvonlari mavjud.
Kafedra boshlig‘i texnika fanlari bo‘yicha falsafa doktori
(PhD) dotsent, polkovnik E.E.Sabirov 2018-yilda “Sodiq xizmatlari uchun” ko‘krak
nishoni bilan mukofotlangan.
Kafedra professor o‘qituvchilari tomonidan 2022-yil davomida Bosh ilmiy mavzu bo‘yicha 1 ta darslik, 3 ta uslubiy qo‘llanma, 3 ta monografiya tayyorlanib, chop etilgan va Akademiyaning Axborot-resurs markaziga topshirilgan. Shu bilan birga 1 ta darslik va 1 ta o‘quv qo‘llanma tayyorlangan, ichki va tashqi taqrizlar olingan, Akademiyaning o‘quv-uslubiy va Ilmiy Kengashlarida muhokama qilingan va o‘quv adabiyotini nashr etishga ruxsat beruvchi guvohnoma olish uchun O‘zbekiston Respublikasi Oliy va O‘rta maxsus ta’lim vazirligiga jo‘natilgan. Bundan tashqari, mavzu doirasida 10 dan ortiq ilmiy va 20 dan ortiq ilmiy ommabop maqolalar chop etilgan. Shuningdek, 10 dan ortiq maket va 3 ta laboratoriya qurilmasi yaratilgan. Shu bilan birga, kafedra boshlig‘i dotsent, texnika fanlari bo‘yicha falsafa doktori (PhD), polkovnik E.E.Sabirov, kafedra professori R.Boltaboyev, katta o‘qituvchilar podpolkovniklar S.Q.Jumayev va I.R.Talibdjanovlar, mayor O.A.To‘laganov hamda kafedra o‘qituvchisi mayor J.S.Boliqulovlarga ko‘p yillik samarali va halol mehnati hamda o‘z xizmat vazifasiga bo‘lgan sadoqati uchun 2021-yildan 2022-yilning shu kuniga qadar Favqulodda vaziyatlar vaziri hamda Oliy va o‘rta maxsus ta’lim vazirining “Faxriy yorliq”lari bilan taqdirlandilar.