Qayta tayyorlash va malaka oshirish fakulteti
Umarov Abduaziz Abdusattarovich - fakultet
boshlig‘i, yong‘inga qarshi texnika va xavfsizlik muhandisi.
Ofitserlarni
qayta tayyorlash va malaka oshirish.
Fakultetning asosiy maqsadi favkulodda vaziyatlarda yong‘inlar profilaktikasi va favkulodda vaziyatlarni
bartaraf etish borasidagi ishlarni samarali tashkil etishga va ularga rahbarlik
qilishga qodir, yuksak ma’naviy va axloqiy talablarga javob beradigan hamda kasbiy
bilimlarini amalda qo‘llay oladigan Favqulodda vaziyatlar vazirligi tizimi xodimlarini
shakllantirishdan iborat.
Fakultetning asosiy vazifalari:
Favqulodda vaziyatlar vazirligi tizimi xodimlarini qayta
tayyorlash va ularning malakasini oshirish;
Xodimlarning kasbiy bilimlari, ko‘nikma va mahoratlarini
uzluksiz yangilab borish mexanizmlarini joriy etish va talab darajasida ularning
kasbiy tayyorgarligini oshirish;
qayta tayyorlash va malaka oshirishning ijobiy tajribasi,
zamonaviy shakllari va usullarini o‘rganish hamda amaliyotga joriy etish asosida
o‘quv-tarbiya jarayonini uzluksiz takomillashtirib borish;
qayta tayyorlash va malaka oshirish jarayonlarining
fan va ishlab chiqarish bilan integratsiyasini ta’minlash, xodimlarni qayta tayyorlash va ularning malakasini oshirish
tizimini yanada rivojlantirish va modernizatsiya qilish.
umume’tirof etilgan o‘qitishning zamonaviy shakllari
va uslublari, ilg‘or pedagogik, axborot-kommunikatsiya va innovatsiya texnologiyalaridan
foydalangan holda tayyorlangan o‘quv rejalari va dasturlari asosida Fakultetda o‘quv
jarayonini tashkil etish;
qayta tayyorlash va malaka oshirish bo‘yicha xorijiy
tajribani va ta’lim muassasalarining e’tirof etilgan yutuqlarini joriy qilish;
qayta tayyorlash va malaka oshirish o‘quv yig‘inlarida
mashg‘ulotlar o‘tkazish uchun oliy ta’lim muassasalarining yetakchi pedagog kadrlarini
va amaliy organlarning yetakchi mutaxassislarini keng jalb etishni ta’minlash.
Akademiya professor-o‘qituvchilar tarkibini
Oliy va o‘rta maxsus ta’lim vazirligining Bosh ilmiy metodik markazi va tayanch
oliy ta’lim muassasalarida qayta tayyorlash va malaka oshirishlarini
tashkillashtirish;
Vazirlik va idoralar, ijtimoiy tarmoqlar, tadbirkorlik
sub’ektlari, shuningdek, alohida davlat ahamiyatiga ega yoki yonish-portlash xavfi
yuqori bo‘lgan ob’ektlarining rahbarlari hamda xavfsizlik texnikasi bo‘yicha muhandis-texnik
xodimlarini yong‘in xavfsizligi asoslari bo‘yicha shartnoma asosida o‘qitish;